見昔日拍檔夏雨再創高峰 潘志文心癢拍劇劍指視帝

     潘志文表示會在「煲劇」的過程中研究新的製作模式。

    久違熒幕的潘志文(潘翁)相隔16年回巢TVB拍劇。首部作品是熱播中的《大藥坊》,演說話文縐縐的「莊敦儒」。笑問潘翁是否加拿大的生活太悶,所以回流拍劇,潘翁妙答:「我1971年同夏雨做拍檔,前幾年見佢攞視帝,我好開心,原來資深演員亦可以拿視帝,所以今次回來拍劇都希望可以做視帝。」

    在《大藥坊》中,潘翁與好友謝雪心以及岳華拍攝多場對手戲,令他大呼過癮。雖然移民加拿大多年,潘翁閒時打發時間的活動就是「煲劇」,更會在「煲劇」的過程中研究新的製作模式,令他心癢癢再拍劇。「做了10多年電視,以往好少睇返自己的作品,後來過了溫哥華住,老婆鍾意追港劇,自己同佢一起睇返現在的新作品。見到個個出來都好sharp、好靚、好後生,因為現在用的燈光、服裝及化妝等都好靚。最令我想拍返劇,是見到好友夏雨當年勇奪視帝的一刻開始,心想如果我回來拍也可能獲獎就好了。同埋呢幾年很多資深演員亦可以拿視帝,好像黎耀祥,以前已經覺得祥仔好戲。我在麗的年代,曾?姘L3屆十大電視藝人獎。」

與岳華相隔33年再合作

    64歲的潘志文見證?蚢q視圈的發展,當年在麗的電視已經和岳華合作,今次是相隔33年再合作。至於心姐(謝雪心),潘翁笑言當年2人在亞視已經碰過頭,可惜對方已經忘記了。「我同心姐講,以前在友台(即亞視)已經合作過啦,佢就好似醒唔起,咁可能真係唔記得啦。今次再見,依然咁靚,講?洃S嗲聲嗲氣,我老婆都無佢咁嗲呀,我怕我不停讚心姐,老婆見到個訪問到時同我翻臉。岳華同我先後移民到溫哥華,我在當地開唐裝店,他拉頭找了幾十個藝人剪綵。我們一直都有聯絡,現在一起拍劇比以前更熟絡。其餘新演員如沈震軒,今次我們的角色是對立的,但剛拍畢的《衝線》,佢做我兒子,正所謂無仇不成父子。」

現在拍劇比以前舒服

    其實潘翁今次回流香港拍劇,根本上未停過,一劇接一劇。像正在出街的《再戰明天》,又有他的參演,現在忙於同李思捷、馬德鐘、徐子珊等拍《以和為貴》,分分鐘到時劇集出街,曝光率多過好多小生,花旦。問到潘翁一劇接一劇拍攝,會否好辛苦?他坦言以往拍劇比現在更辛苦。

    「以前比較辛苦而且拍劇的時間比較緊湊,現在都有規有矩,當年『飛紙仔』仲厲害。我記得麥當雄在位年代,成班去到黃石碼頭,Book晒遊艇同到會食物,點知『紙仔』都未到唔拍得。後來鄧達希在亞視拍《法網群英》,當時為了等劇本,導演帶埋Fax機去場地。同埋我專湊新入行的女仔,仲要好多都是外國回來香港,以前都同陳慧珊、張可頤合作過,好多個都係唔多識中文,好似今次鍾嘉欣做我個新抱,劇本都要用拼音。不過她們都好努力,演得好自然。現在新生代的演員進步得好快,都要向他們學習,因為他們的演技是比較我們以前更自然、更生活化。」

 

◎以上轉載新聞版權歸屬香港文匯報所有